Енис Барди, 22 годишниот
македонски репрезентативец и член на шпанскиот прволигаш Леванте, во интервју
за локалните медиуми во Валенсија уште еднаш проговори за својата специјалност
за време на натпреварите, а тоа се слободните удари, што повеќе шутирате, толку
подобар ќе бидете на тоа поле, вели Барди.
„Ги тренирав слободните
удари уште од мали нозе, секогаш сакав тоа да го научам перфектно, мислам дека
со овдешното доаѓање се подобрив на тоа поле. Некогаш не ми успева да го
изведам слободниот удар онака како што јас посакувам, но јас понекогаш останувам
и по завршувањето на тренинзите за да го подобрам нивото на тоа поле, колку
повеќе шутирате, толку подобар станувате во овој дел од играта“ издвои
Македонецот.
По 17 одиграни меча во
Примера, тимот од Валенсија се наоѓа во долниот дел од табелата со 18 бода,
работите можат да се променат во вториот дел од сезоната, но очекувањата се
Леванте да избори опстанок во елитното друштво на Шпанија. Како и да е, и
покрај тоа, Барди не крие дека има големи планови со Леванте.
„Мојот сон е да се
пласирам со Леванте во Лига Европа или пак Лигата на шампионите, зошто да не…
Имам многу соништа, сакам само да играм фудбал, да уживам во оваа игра, сега
сум во најдобриот момент од мојата кариера и на вистинското место, да ги
остварам моите соништа во Ла Лига“ вели тој.
Барди, кој инаку погоди
на големото дерби во Валенсија, каде Леванте се судри против Валенсија во 4
коло од Примера, дербито заврши со поделба на бодовите и резултат 1-1, а токму
нашиот интернационалец стрелаше за бод на својот тим.
„Во Унгарија имавме
големо дерби како Ујпешт – Ференцварош, тоа е голем меч, секогаш сакав да
постигнам гол, но не успеав во таа намера, имав шанси, но не ги искористив…
Кога пристигнав овде, веќе знаев за локалното градско дерби Леванте –
Валенсија, па кога погодив на тој меч бев пресреќен, би сакал повторно да
погодам на Месталја“ рече Барди во интервјуто за локалниот медиум во Валенсија.
Нашиот интернационалец
на 15 настапи постигна четири погодоци засега за Леванте.
Извор: valencia.eldesmarque.com