Барди го расплака Атлетико Мадрид, два гола за голем бод на Леванте (ВИДЕО)

Првпат по паузата поради повреда Барди се најде во стартниот тим и веднаш беше главен на натпреварот.

Атлетико Мадрид двапати водеше, а Барди двапати израмнуваше од пенал и не дозволи неговиот тим да загуби.

Антоан Гризман во 12. минута му донесе водство на Атлетико Мадрид од 1-0

На осум минути до крајот на првиот дел, Леванте го доби првиот пенал, а Барди погоди за израмнување на 1-1.

Во 76. минута Атлетико Мадрид дојде до ново водство, Куња по само три минути откако влезе во игра, постигна гол за ново водство на неговиот тим.

Се чинеше дека Атлетико Мадрид ја има контролата на мечот и ќе дојде до победа, но во самиот финиш Леванте доби уште еден пенал. Барди погоди и по вторпат и ги постави конечните 2-2.

На крајот Барди беше прогласен и за играч на мечот.

За разлика од претходнте сезона, Леванте има лош старт, по 11 кола нема победа, има шест нерешени натпревари.