Бајката на Вест Хем продолжува, чеканите го победија Вулвс и се качија на четвртата позиција (ВИДЕО)

На осум кола пред крајот на сезоната, Вест Хем се наоѓа на позиција која води во Лигата на шампионите, лондонскиот клуб има сезона за која никој не ни сонуваше.

Со голови на Лингард, Форналс и Боуен, Вест Хем до 38. минута водеше со 3-0.

Во финишот од првиот дел Дендонкер намали на 1-3, а Силва во 68. минута погоди за 2-3, но до крајот Фабиански не дозволи и по трет пат да се затресе неговата мрежа.

Вест Хем во следното коло има нов голем тест, го пречекува Лестер кој има четири бода повеќе од нив.