Позицијата на Маурицио Сари во Челси е под знак прашалник особено по поразот од Манчестер Сити со 6-0.
Сари ја изгубил командата во соблекувалната, а еден од бунтовниците се посочува дека е Азар кој веројатно и ќе направи трансфер во летниот преоден рок. Реал Мадрид одамна се посочува како негова следна дестинација.
Но, Азар сега има пофалби за Сари, вели дека стилот на Италијанецот најмногу му одговара.
„Сите тренери за кои играв ми дадоа по нешто. Од почетокот со Клод Пуел во Лил, па се до сега со Маурицио Сари. Сите тие го гледаат фудбалот на различен начин и затоа јас сум играчот кој сум. Сите тие ми дале некои важни совети“, вели Азар.
„Жозе Мурињо беше посебен, но начинот на кој Сари и Руди Гарсија (поранешен тренер на Лил) сакаат да играат е поблиску до мојата филозофија за фудбал, но сите тие ми имаат дадено многу“.