72
Челси утринава објави дека го продолжува договорот со Аспиликуета кој оваа сезона е капитен на тимот.
29-годишниот дефанзивец потпиша од Марсеј за седум милиони фунти летото 2012 година и досега има 298 настапи за Челси.
„Многу сум среќен што го продолжувам престојот во Челси. Откако дојдов почувствував уживање и одговорност да играм за овој клуб, овие фанови и секогаш кога ќе излезам на теренот се трудам да го дадам најдоброто. Се надевам дека има уште многу пред мене и ќе можеме да го однесеме Челси онаму каде што припаѓа“, изјави Аспиликуета.