Артета: Горд сум на моите фудбалери, го добивме тоа што го заслуживме

Арсенал со пресврт дојде до победа од 2-1 над Тотнем, па Артета не го криеше задоволството по мечот.

„Ние бевме подобриот тим, навистина доминиравме со исклучок на последните десетина минути. Мислам дека бевме исклучително добри“, вели Артета.

„Во последните десет минути со играч повеќе навистина бевме лоши. Се ставивме во опасна ситуација и можеби требаше да примиме гол. Тоа е нешто кое треба да го поправиме“.

„Но генерално сум многу задоволен. Горд сум на фудбалерите, за начинот на кој тие одигираа, духот кој го покажаа, енергијата која ја даваат. Штета што тука не беа нашите фанови, но се надевам дека уживаа од дома“.