Арсенал се приклучи во трката за потписот на Абрахам

Арсенал се
приклучи во трката за потписот на 23 годишниот напаѓач на Челси, Тами Абрахам,
кој во минатото како дете навивал токму за „Топчиите“, а идол му бил Тјери
Анри.

Се верува дека
Челси го вреднува својот напаѓач на 40 милиони фунти, а наводно бил дел од
понудата на клубот од Лондон до Борусија Дортмунд за услугите на Ерлинг Халанд
оваа седмица, понуда која Германците експресно ја одбиле.

„Телеграф“ тврди
дека Арсенал е сериозен во намерата да го ангажира Абрахам, но најнапред ќе
мора да продава за да го реализира тој посакуван трансфер, а освен Арсенал,
заинтересирани за Абрахам се уште Интер и Тотнем.