369
Барселона ги
прокнижи првите три бода во Лигата на шампиони откако вечерва со минимални 1-0
го совлада Динамо Киев на Камп Ноу, стрелец на единствениот гол беше Жерард
Пике во 36. минута од мечот.
„Каталонците“ можеа
многу порано да го решат победникот, но Ансу Фати сакаше да се прослави со
спектакуларен гол наместо да остави зицер за соиграчите.
На стартот од
вториот дел, голманот на Динамо Киев чекаше многу да исфрли една топка, па се
создаде шанса за Барса, Ансу Фати свртен со грб кон голот се обиде атрактивно
да погоди во ситуација кога Серхио Бускетс па и Филипе Кутињо стоеа осамени и
чекаа лесна реализација.
Топката заврши
крај стативата па Серхио Бускетс негодуваше, а нервозна реакција крај аут
линијата имаше и Роналд Куман.