Еуфоријата од победата над Косово полека ја снемува, фудбалерите се насочуваат кон новите предизвици. Следниот е веќе утре кога гостуваме кај селекцијата на Естонија во новата сезона од Лигата на нации.
„Заврши славјето, емоциите сплснаа, тоа што го сакавме го остваривме и сега пред нас е нов меч, сега сме фокусирни само на овој натпревар и очекувам моите фудбалери повторно да го дадат максимумот за да дојдеме до добар резултат“, вели Ангеловски.
„Сега сме фокусирани само на Естонија, добро тргнавме во оваа Лига на нации, моментално сме први и утре одиме на нови три бода. Овие мечеви од Лигата на нации ќе ни послужат за подготовка за мечот со Грузија на 12 ноември“.
„Естонија има добар тим без оглед што загубија два меча во Лигата на нации. Ги респектираме, но подготвени сме за добар резултат“.