Ангеловски го објави списокот, без Елмас, но со Пандев против Косово (ФОТО)

Селекторот Игор Ангеловски денеска го објави списокот на фудбалери за мечот против Косово кој се игра во четврток.

Добра вест е што капитенот Горан Пандев е во составот, и покрај тоа што беше негативен на ковид-19, неговото доаѓање беше неизвесно, се појавија гласини дека Џенова сите играчи ќе ги држи во карантин. Но очигледно е дека Пандев ќе дојде.

Голем хендикеп ќе биде неиграњето на Елиф Елмас, кој е позитивен на коронавирус.

Новајлија во составот е голманот на Силекс, Даниел Божиновски, а повратници се Ферхан Хасани и Тихомир Костадинов.