Анчелоти ја направил првата прозивка како селектор на Бразил, на списокот има речиси 50 имиња

Карло Анчелоти составил поширок список за натпреварите на Бразил против Еквадор и Парагвај,  стратегот повик доставил до речиси 50 фудбалери, во составот има и играчи како Нејмар и Оскар.

Карло Анчелоти иако се уште е тренер на Реал Мадрид, ја направил првата прозивка како селектор на Бразил.

За натпреварите против Еквадор и Парагвај во квалификациите за Светското првенство, стратегот повикал речиси 50 фудбалери.

Медиумите откриваат дел од имињата и на списокот има повратници како Нејмар и Оскар, но и дебитант како Игор Паишао од Феенорд.

Се очекува финалниот состав да биде објавен за една недела, односно на 26. мај.