Анчелоти: Се надевам дека Рома ќе победува со Мурињо

Шефот на
стручниот штаб на Реал Мадрид, Карло Анчелоти вели дека посакува да ја гледа
Рома како победува под кормилото на Жозе Мурињо, а додаде и дека Јувентус со
Масимилијано Алегри ќе испорача резултати.

„Се надевам дека
Рома ќе победува под водство на Жозе Мурињо“ рече Анчелоти запрашан за тоа дали
би сакал да ја предводи „Римската волчица“ во иднина.

„Јувентус се
соочува со одредени проблеми, ја загуби сигурноста, но сигурен сум дека ќе се
вратат помеѓу кандидатите за титулата на крајот“ додаде Анчелоти.

Искусниот
италијански фудбалски стратег истовремено подвлече и дека Милан би можел да
остане во делот каде се водечките екипи во Серија А откако веќе се вратија
таму.