Анчелоти сака во Реал Мадрид да си донесе играч од Евертон за 50 милиони фунти

Според англискиот таблоид „Сан“, Карло Анчелоти посакува во Реал Мадрид да го донесе англискиот репрезентативец, Доминик Калверт Луин кој имаше одлична сезона во Евертон.

Се верува дека Анчелоти за Калверт-Луин е подготвен да потроши 50 милиони фунти од трансфер буџетот на Реал Мадрид.

Приоритетни засилувања за кралскиот клуб во нападот се Мбапе и Халанд, па можеби и Хари Кејн, но секој од овие тројца е над 100 милиони фунти, па можеби Реал Мадрид ќе се одлучи на поевтина варијанта од која ќе биде задоволен Анчелоти.