Анчелоти: Азар е уморен од проблеми

Откако пристигна во Реал Мадрид, Азар многу често е отсутен од тимот поради повреди и никако да врзе контнуитет на настапи.

„Азар е уморен од овие мали проблеми кои ги има со повредите, нема да настапи утре. Мислам дека би можел да биде спремен за Барселона или Осасуна“, вели Анчелоти.

Тренерот на Реал Мадрид потврди дека ќе игра во формација 4-3-3 на идните дуели.

„Понекогаш се случуваше да не покажеме јасен идентитет. Пробав да се бранам со формација 4-4-2, но не одеше добро. Идејата сега која ја имам е многу јасна. Тимот треба да игра 4-3-3. Има натпревари на кои тимот може да игра без чисто крило, но мислам дека тоа е најдобриот систем за овој состав“.