Алба: Сите нови играчи се добредојдени во Барселона, ист би бил и случајот со Мората

Бекот на
Барселона, Жорди Алба јавно изрази надеж дека Каталонците ќе тргнат по Алваро
Мората, опција која одредени медиуми ја пренесоа овој период, наведувајќи дека
на Камп Ноу во Мората гледаат потенцијален наследник за Суарез на подолг рок.

„Мората е
фантастичен фудбалер, игра на едно високо ниво повеќе години“ рече Алба.

„Лично имам
голема почит кон него, ние бевме соиграчи (во шпанскиот национален состав), но,
сево ова останува на клубот, за тоа дали ќе повлече некој потег“ додаде бекот
на Каталонците и додаде дека сите нови фудбалери се добредојдени, па ист би бил
и случајот со Мората.

„Новите играчи
секогаш се добредојдени во Барселона, а Алваро не би бил поинаков во една таква
ситуација“ заклучи Алба.