Транском 3-21(1-12) ВДЛ Ван Хоол
Транском: Марио Јуанаев 11”, Бојан Мирчевски 21” 39”
ВДЛ Ван Хоол: Димче Андов 1” 6” 6” 9” 19” 20” 29” 30” 33” 36” 40”, Живе Ѓорѓиевски 2” 4” 34”, Валентино Трајковски 3” 4” 34” 38”, Александар Наумовски 13”, Стефан Станојковиќ 14” 30”
Екипата на Транском во дуелот со ВДЛ Ван Хоол настапи со скратен состав, практично без помош од клупата. Екипата на ВДЛ Ван Хоол успеа да го искористи ова па уште на самиот старт наметна висок ритам надополнувајќи го со чести измени и притисок во предно поле. Екипата на Транском не можеше да ја игра својата препознатлива игра па му дозволи на ВДЛ Ван Хоол да се разигра и од минута во минута да го зголемува водството кое на крајот од полувремето изнесуваше 1-12.
Во второто полувреме и двете екипи продолжија во ист ритам. Екипата на Транском се обидуваше да ја намали негативата но ВДЛ Ван Хоол имаше своја вечер во која не дозволи изненадување. Во самиот финиш од овој натпревар ВДЛ Ван Хоол имаше голема резултатска предност со која го доби овој натпревар.
ЕЛЕМ со тимска игра до победа над Стопанска Банка
Стопанска Банка 3-6(0-2) ЕЛЕМ
Стопанска Банка: Симјановски 26” 33” 36”
ЕЛЕМ: Антонио Ничевски 3” 27”, Лидрон Кадриу 14” 31”, Синиша Ковачевиќ 37” 38”
Екипата на ЕЛЕМ во натпреварот со Стопанска Банка влезе уште на самиот старт со препознатлива формација во која го имаа Антонио Ничевски како голман-играч во делот на нападот. Со ваква поставеност успеаа да ја изненадат Стопанска Банка па во 3” преку Ничевски дојдоа до водство од 0-1. Екипата на Стопанска Банка се обиде со притисок во предно поле да не му дозволи на ЕЛЕМ да го користи играчот-плус во формацијата голман-играч, но ЕЛЕМ преку контра напад во втората половина од првото полувреме, 14” дојде до водство од 0-2, резултат со кој се отиде на полувремето.
Во второто полувреме Стопанска Банка со голман-играч се обиде да ја анулира предноста на ЕЛЕМ стекната во првото полувреме. Ваквата поставеност на Стопанска Банка ја искористи Симјановски кој постигна дури три гола во второто полувреме, но тоа не беше доволно резултатски да се приклучи на вечерва расположениот ЕЛЕМ кој преку колективна игра не дозволи изненадување па на крајот успеа да го добие овој натпревар со 3-6.