Фудбалерите на Фиорентина со 1-0 го совладаа Лече во првиот меч од калчо-колото овој викенд.
Навивачите на „Артемио Франки“ рано се израдуваа бидејќи уште во деветтата минута искусниот Робин Госенс донесе домашна предност (1-0).
Лече се обидуваше да се врати, ама немаше сили за такво нешто против стабилниот домаќин. Фиорентина можеше и до двојна предност бидејќи доби пенал, меѓутоа ударот на Белтран не заврши во мрежата.
На крајот тимот на Рафаеле Паладино победи по три врзани порази и барем привремено е седмопласиран.
