Македонија во вистински момент му гостува на Израел, селекторот ангеловски го подмлади тимот кој е составен од фудбалери кои играат во добра форма и тоа во одлични клубови.
Изданијата на Барди, Алиоски, Несторовски, Трајковски, Николов… даваат надеж дека Македонија вечерва може да одигра добра претстава.
Израел е во лоша форма, а нивниот селектор се наоѓа под сериозен притисок. Во последниот квалификациски натпревар загубија со 3-0 на свој терен од Албанија, а на пријателскиот меч против Молдавија одиграа само 1-1.
Но, Израел е селекција со која Македонија има негативен скор, сме одиграле четири натпревари и ниту еднаш не сме се радувале на победа, не сме одиграле ниту реми.
Последниот болен пораз од Израел се случи на 10. октомври минатата година во Скопје, кога Македонија создаваше шанси, но противникот си замина со победа од 2-1.
Израел ќе влезе како фаворит и во вечерашниот дуел, но во оваа селекција на Македонија има квалитет и атмосфера за победа. Македонските фудбалери сакаат да го кренат нивото и да остваруваат многу подобри резултати од оние на кои навикнавме. Дали ќе биде така ќе видиме вечерва, натпреварот почнува од 20:45 часот.
Можен состав на Македонија за вечерашниот натпревар: Димитриевски, Ристовски, Велковски, Зајков, Ристевски, Алиоски, Спировски, Николов, Трајковски, Пандев, Несторовски.