Палермо тргна со
победа во новата сезона, поточно во првото коло од Серија Б, на домашен терен
славеше со 2-0 над Специја, двата гола беа дело на македонските интернационалци
од победничкиот табор, Александар Трајковски и Илија Несторовски.
Утре Палермо
гостува кај Бреша во второто коло, поради репрезентативни обврски вон
комбинација за тој натпревар ќе бидат Трајковски и Несторовски, па капитенот на
Палермо со видео порака на социјалните мрежи упати поддршка за неговите
соиграчи и фановите на овој тим.
„Здраво за сите
пријатели, се надевам дека моите соиграчи ќе го дадам максимумот против Бреша и
ќе извојуваат победа, ви испраќам голема прегратка и напред Палермо“ порача
Несторовски.
За лојалноста на Несторовски кон клубот од Сицилија говореше спортскиот директор на Палермо, Фабио Лупо, тој ја откри причината поради која нашиот напаѓач останал ова лето во својот тим.
Инаку капитенот
на Палермо заедно со неговиот соиграч од италијанскиот клуб, Трајковски, се дел
од репрезентацијата на Македонија која утревечер (20,45) гостува кај Израел во
Хаифа во седмото квалификациско коло за СП Русија 2018.
Извор: mediagol.it