Голманот Столе
Димитриевски вели дека атмосферата пред дуелот со Израел на гостински терен е
одлична, најавува дека нашата селекција ќе даде се од себе за да се извлече
поволен резултат од Хаифа.
„Имаме
одлична атмосфера и добро се подготвуваме веќе неколку дена. Знаеме од каква
важност е натпреварот со Израел и ќе сториме се што треба да одиграме на
максимално ниво. Израелците се квалитетна селекција, но мислам дека ние
сме подобри во нападот. Треба да бидеме претпазливи во одбраната и да покажеме
сигурна реализација. Не размислувам за тоа дали јас ќе бидам на голот,
сите ние сте тука си една цел, заеднички да оствариме добар резултат“, изјави Димитриевски.
Мечот помеѓу
Израел и Македонија стартува во терминот од 20 часот и 45 минути.
Со само една
победа и три бода од истата, избраниците на Игор Ангеловски се на
претпоследното место (петтото) веднаш пред Лихтенштајн кој засега е без бодови
во групата.
Извор: ffm.mk