Бразил го победи Еквадор и обезбеди место на Светското првенство во Русија (ВИДЕО)

Со головите на Паулињо и Кутињо во второто полувреме, Бразил со 2-0 го победи Еквадор и дојде до бодови со кои ги реши сите дилеми околу пласманот во Русија.

На три кола пред крајот на квалификациите во Јужна Америка, Бразил е недостижен на првата позиција на табелата.

Во дербито на колото во Јужна Америка, Уругвај и Аргентина одиграа без голови 0-0.

Големо изненадување направи Парагвај кој со убедливи 3-0 славеше на гостувањето кај Чиле.

Перу со 2-1 ја победи Боливија, а без голови заврши и мечот помеѓу Венецуела и Колумбија.