Франција ја покажа силата против Холандија победувајќи со убедливи 4-0 во квалификацискиот меч.
Натпреварот беше отворен уште во 14. минута кога Гризман постигна гол за водство на Франција од 1-0.
Долго време беше актуелн тој резултат. Стротман за само шест минути успеа да добие два жолти картони и од 62. минута Холандија остана со фудбалер помалку.
Франција имаше фуриозен финиш, па со два гола на Лемар и еден на Мбапе дојде до победа од 4-0.
Белгија му даде дури девет гола на Гибралтар. Лукаку и Муниер постигнаа хет-трик, по еден погодок реализираа Метенс, Витсел и Азар.
Кристијано Роналдо постигна хет-трик во победата на Португалија од 5-1 над Фарските Острови.
Бугарија направи изненадување совладувајќи ја Шведска со 3-2. Неочекувана беше и победата на Луксембург над Белорусија од 1-0.
Грција одигра само 0-0 на свој терен против Естонија, Кипар со 3-2 ја победи Босна и Херцеговина, Швајцарија со 3-0 беше подобра од Андора, а Унгарија со 3-1 ја совлада Летонија.