Познати цените за натпреварите на Вардар во Лига Европа (ФОТО)

Вардар ги објави цените на билетите за натпреварите од групната фаза во Лига Европа. Продажбата на влезниците започнува од петок, 1. септември.

Ќе се продаваат единечни и блок билети за сите три натпревари. Најевтините влезници се позади головите, единечна ќе чини 600 денари, а блок билет 1.400. Ќе има единечни билети и од 900 денари, за овие седишта блок влезницата е 2.200 денари. Најскапи се средишните делови на јужната и северната трибина, цените за еден натпревар се 1.200 денари, а блок картата ќе биде 3.000 денари.

Наскоро клубот ќе соопшти повеќе детали за продажбата на влезниците.

Првиот натпревар е против Зенит на 14. септември.