Легендарниот напаѓач Алан Ширер испрати критики за Манчестер јунајтед по поразот на овој тим од Брајтон (3:1) за викендот.
Не успева Манчестер јунајтед ниту со Аморим да дојде до подобри резултати и тимот се наоѓа на очајното 13-то место со само 26 бода по 22 кола. Во 22 натпревари Јунајтед има дури десет порази.
Според Алан Ширер, Манчестер јунајтед во овој момент изгледа дури и полошо отколку со Ерик Тен Хаг претходно.
Ширер смета дека фудбалерите кои ги има на располагање на Аморим не може да го играат системот кој тој го форсира.
„Тие сега се всушност полоши отколку со Тен Хаг. Тоа е поради тоа што овој тренер сака да го направи со системот. Не може да игра како што тој сака, некогаш треба да се прилагодите. Фудбалерите кои сега ги има не го можат тоа“, изјави Ширер.