Германскиот Суперкуп ќе го носи името на легендата на Баерн

Германскиот Суперкуп од следната година ќе го носи името на легендарниот Франц Бекенбауер.

Информацијата ја потврдија од Фудбалскиот сојуз на Германија.

„Франц би бил среќен натпреварот помеѓу шампионот во првенството и победникот во Купот да го носи името по него“, изјави сопругата на славниот фудбалер, Хеиди Бекенбауер.

Бекенбауер почина на 7 jaнуари оваа година и се смета за најголемиот германски фудбалер на сите времиња. Во 1974 година ја предводеше репрезентацијата на Германија до титулата светски шампион, а во 1990 тој успех го повтори и како селектор.