Раниери е во потрага по својот наследник, едно им е фаворит: Ќе се обидеме сега да не погрешиме

Клаудио Раниери паралелно додека ја предводи Рома е во потрага и по негов наследник, а според информациите едно име се издвојува.

Имено, како што пренесуваат италијанските медиуми, Раниери се обидува да го доведе Масимилијано Алегри кој е без ангажман откако го напушти Јувентус.

Во изјава за медиумите, Раниери и самиот потврди дека работи на пронаоѓање на човек кој ќе го замени.

„Ќе се потрудиме да не погрешиме со следниот тренер“, изјави Раниери.

Ќе потсетиме, Раниери ја прекина пензијата и се врати за да помогне на римскиот клуб во период кога клубот имаше лоши резултати. Но, и со него на клупата Рома не бележи добри резултати.