Култниот италијански клуб пак смени тренер, опстанок треба да донесе Семпличи

Култниот италијански клуб Сампдорија се реши за нова тренерска смена. Ново име на клупата е Леонардо Семпличи.

Искусниот Италијанец доаѓа како замена за Андреа Сотил, кој седна на клупата минатото лето на местото на Андреа Пирло. Сотил не издржа долго и немаше премногу успех со клубот од Џенова, па го плати цехот со отказ.

Семпличи ќе има шанса да ја консолидира Сампдорија која се наоѓа на 15. позиција во Серија Б и ја очекува битка за опстанок.

Досега во кариерата Семпличи ги водеше екипите на Специја, Каљари, СПАЛ, Пиза и неколку нисколигаши.