Во еден од најинтересните натпревари во Лигата на Европа вечерва екипите на Тотнем и Рома ремизираа одигрувајќи без победник 2:2.
Сон Хеунг Мин по само минути игра ги доведе домаќините во водство, а Рома во 20. минута со голот на Ндик дојде до израмнување. Само две минути подоцна Ел Шарави ја погоди мрежата на гостите, но тој гол беше поништен поради недозволена позиција.
До крјаот на првиот дел Тотнем сепак успеа да дојде до предност и тоа со погодокот на Џонсон во 34. минута. Во второто полувреме видовме уште еден поништен гол на Рома, сега на Довбик. Голот за 2:2 италијанскиот тим го постигна во самата завршница преку дефанзивецот, Матс Хумелс.
Возбудлив натпревар одигра и Манчестер јунајтед кој со 3:2 на свој терен славеше против Бодо Глимт. За Рубен Аморим денешниот натпревар беше и прв на клупата на „црвените ѓаволи“ во Европа.
Алахандро Гарначо од првата прилика погоди за Манчестер јунајтед и ги доведе домаќините во водство. Сепак, гостите со погодоците на Евјен во 19. и Зинкергеи во 23. минута направија целосен пресврт. Пред крајот на првиот дел Манчестер јунајтед дојде до израмнување со голот на Хојлунд. Истиот фудбалер само по пет минути игра во вторито дел постигна и втор гол за ново водство на англискиот гигант.
Важна победа со пресврт забележа и тимот на Фенербахче против Славија Прага. Чори стрелаше во седмата минута, Џеко израмни во 35. минута, додека Ел Несри пред крајот во 85. минута донесе победа.
ОСТАНАТИ РЕЗУЛТАТИ:
Брага – Хофенхајм 3:0
Стеауа – Олимпијакос 0:0
Ференцаварош – Малме 4:1
Мјитиланд – Франкфрут 1:2
Ница – Ренџерс 1:4
Реал Сосиедад – Ајакс 2:0
Твенте – Ројал Унион 0:1