17 годишниот Елиф
Елмас кој летово премина во редовите на Фенербахче од Работнички, ќе биде дел
од сениорскиот тим на гигантот од Истанбул за контролката со италијанскиот
калчолигаш Калјари, најавуваат медиумите во Турција.
Според
информациите, поради тоа што се уште не е полнолетен, според правилата засега
не може да потпише професионален договор, но ќе биде за претстојната контролка
во сениорскиот состав на неговиот нов клуб, во понеделник.
ФЕНЕРБАХЧЕ ПРИТИСКА ЗА ПРОФЕСИОНАЛЕН ДОГОВОР
Медиумите во
Турција истовремено пишуваат на големо за обидите кои ги прави Фенербахче да
потпише професионален договор со големиот талент, но не се познати причините
зошто се брза во тие намери.
Се шпекулира дека
Елмас ќе потпише формален договор со Фенербахче, со кој тимот од Истанбул ќе
има алтернативно решение за да ги реши сите дилеми во случајот со Елмаз.
Една од
варијантите поради форсирањето на оваа процедура, е таа дека Фенербахче сака да
го регистрира нашиот фудбалер за настапите во Лига Европа.
Турскиот
суперлигаш е инаку противник на македонскиот шампион Вардар во плејоф рундата
од квалификациите за групната фаза од Лига Европа.
АРСЕНАЛ БИЛ
НАЈСЕРИОЗНИОТ РИВАЛ НА ФЕНЕРБАХЧЕ ЗА ЕЛМАС?!
„Веќе е познато дека од поголемите екипи во
Европа, Арсенал бил најголемиот ривал за потписот на Елиф Елмас. Генералниот
секретар на Фенербахче, Махмут Услу неодамна изјави дека нивниот талент ќе
вреди 50 милиони евра“ додаваат медиумите во Турција.
Извор/Фото-вест:
skor.sozcu.com.tr