Мурињо во Истанбул живее во хотел, досега потроши илјадници евра

Португалскиот стратег Жозе Мурињо оваа сезона го води турски Фенербахче, со цел да го врати гигантот на тронот во оваа земја.

Интересни информации открија тамошните медиуми, а поврзани со живеалиштето на Мурињо. Според информациите, Португалецот живее во хотел и тоа луксузен. Се работи за хотелот „Four Seasons“ на крајбрежјето на Босфорот.

Најефтината соба во овој хотел чини 1200 евра по ноќ, а досега Мурињо мина преку 140 во истиот. Тоа значи дека тој на Фенербахче најмалку му потрошил околу 170.000 евра на сместувањето.

Ова не е првпат Жозе Мурињо да живее во хотел, бидејќи слично беше и за време на престојот на клупата на Манчестер Јунајтед.