Јаховиќ не размислува на пензија, има нов клуб во Турција

Поранешниот македонски репрезентативец, Адис Јаховиќ потпиша за нов клуб во Турција, вкупно шести во оваа земја, сега ќе го носи дресот за Нарлидере Беледијеспор.

Адис Јаховиќ и на 37 години не размислува за пензија, продолжува да игра во Турција, онаму каде што помина најголем дел од кариерата.

Тој во оваа земја настапуваше за Гезтепе, Коњаспор, Јени Малатијаспор, Анталијаспор и Бодрумспор, а сега ќе го носи дресот на Нарлидере Беледијеспор.

Се работи за клуб од пониските лиги во Турција за кој Јаховиќ треба да биде големо засилување.