Тони Крос се пошегува со своите поранешни соиграчи од Реал Мадрид и ги замоли да му дозволат да стигне до престижната „Златна топка“.
„Франс Фудбал“ ги откри номинациите за „Златната топка“ и сподели кои 30 фудбалери ќе се се борат за оваа престижна индивидуална награда.
На списокот се најде и Тони Крос, кој изминатово лето замина во фудбалска пензија.
Германецот го искористи ова за малку шега со своите поранешни соиграчи од Реал Мадрид и ги замоли да му дозволат да ја подигне „Златната топк“.
„Ајде! Вие можете да ја освоите и следната година“ – гласеше пораката на социјалните мрежи во која беа номинациите на Белингем, Карвахал, Винисиус Жуниор, Мбапе, Ридигер и Валверде.
