236
Атлетико Мадрид попладнево го потврди трансферот на Хулијан Алварез од Манчестер Сити, Аргентинецот стави потпис на шестгодишна соработка.
Манчестер Сити ја реализираше најголемата продажба во својата историја, а Атлетико Мадрид својот втор најскап ангажман.
„Хулијан Алварез, шампион на светот и Америка со репрезентацијата на Аргентина, стави потпис на шестгодишен договор“ – гласеше известувањето.
Медиумите од Шпанија пишуваат дека се работи за зделка вредна околу 85 милиони евра сосе бонуси, додека пак медиумите од Англија пишуваат за зделка од 95 милиони евра сосе бонуси.