Познати се судиите за натпреварите од првото коло на ПМФЛ

Стартува новата сезона на Првата македонска фудбалска лига 2024/25.

На неколку денови пред првите натпрвари, Фудбалската федерација на Македонија ги одреди судиите за првото коло. Делегирани се Пилешков, Ставрев, Грујоски, Трпчевски, Илиоски и Качевски.

• Листа на судии за првото коло во ПМФЛ:

Струга – Тиквеш (Димитар Пилешков)
Пелистер – Гостивар (Стојанче Трпчевски)
Работнички – Силекс (Александар Грујоски)
Беса 1976 – Шкендија (Александар Ставрев)
Шкупи – Воска Спорт (Влатко Илиоски)
Брера – Вардар (Јован Качевски)

Сите шест натпревари се играат в недела. Сепак, пет меча се играат во попладневниот термин од 17:00 часот, а за затворање на колото во вечерен термин играат Брера и Вардар во 20:00.