„Ако баба ми имаше тркала ќе беше велосипед“ – урнебесниот одговор на Енрике за евентуална помош од Малага

„Кралевите“ имаат
натпревар помалку, па за Барселона да ја одбрани титулата, некој ќе треба да му
нанесе пораз на Реал Мадрид до крајот на сезоната.

Во последното
коло, Реал Мадрид гостува кај Малага, екипа која пред десетина дена славеше над
Барса со 2-0.

Но на кормилото
на Малага е поранешниот играч на Реал, Мичел кој оваа недела за медиумите од
Шпанија гордо истакна дека е „Мадридиста“.

Па Луис Енрике
беше запрашан дали очекува помош од Малага, а стратегот одговори на интересен
начин.

„Ако баба ми
имаше тркала, ќе беше велосипед” – рече тренерот на Барселона.