Капитенот на Реал
Мадрид го остави својот тим со играч помалку да се бори против Барселона во
завршницата, откако доби црвен картон во 77. минута при резултат 1-2.
Судијата Ернандез
Ернандез процени дека дефанзивецот опасно стартувал со две нозе, но Серхио
Рамос не се сложува со ваквата одлука.
„Црвениот картон
е претеран” – рече
дефанзивецот по крајот на натпреварот. „Никогаш не сум влегол во дуел со намера да повредам
играч”.
„Според моето
разбирање за фудбалот, требаше да добијам жолт а не црвен”.
„Да, закаснив со
стартот, но немаше контакт. Црвениот картон беше одлучувачки”.
За гестот кон
Пике кога го напушти теренот, Рамос додава: „Тие имаат различно разбирање за
фудбалот”.
„Постојано
зборуваат за судиите, и можеби тоа конечно вроди со плод”.
„Пике вели дека
судиите се наклонети кон Реал, но заборава дека судиите беа наклонети кон
Барса на дуелот со ПСЖ”.
„Пике обожава да
зборува за судиите, па му кажав дека по толку голем притисок и поплаки на
Твитер, тие на крајот ќе добијат помош од судијата”.