Заниоло имал состанок со Мурињо по кој решил да остане во Рома

Жозе Мурињо полека креира тим за високи дострели со Рома. По освоениот трофеј во Конференциската лига, во новата сезона целите ќе бидат пласман во топ 4, но можеби и напад на пехарот во Лига Европа.

Рома ја доби трката по Пауло Дибала, но добра вест за навивачите на римскиот клуб денеска е и дека Николо Заниоло ќе остане.

Според „Спорт Медиасет“, Заниоло имал состанок со Жозе Мурињо по кој решил дека неговата иднина сепак е на Олимпико, а не во тимот на Јувентус.

Се очекува наскоро Заниоло да потпише и нов договор со Рома.