Марота откри кога пристигнува Лукаку во Милано, за Дибала молк

Бепе Марота
денеска беше во Рим во канцелариите на Фудбалската федерација на Италија па на
излегување беше пречекан од група новинари кои сакаа да дознаат повеќе
информации за трансфер активностите на Интер.

Генералниот
извршен директор на „нероаѕурите“ беше запрашан за враќањето на Ромелу Лукаку,
а тој рече: „Мислам дека вечерва ќе пристигне во Милано“.

Потоа следеше прашање
за Пауло Дибала, а Бепе Марота не одговори ништо и само се насмевна.

Се верува дека
преговорите со Аргентинецот се на стенд-бај, Интер најпрво ќе треба да се
ослободи од двајца напаѓача, а и Пауло Дибала ќе треба да прифати помала плата и
бонуси.