Ден на одлука во Премиерлигата и Серија А

Манчестер Сити и Ливерпул се борат за шампионскиот трофеј во Премиерлигата, тимот на Пеп Гвардиола е во пол позиција, а црвените ќе чекаат изненадување.

Ливерпул мора да го победи Вулвс на Енфилд, а ако го направат тоа ќе чекаат кикс на Манчестер Сити против Астон Вила. На граѓаните им одговара само триумф, но големи фаворити се за тоа да го направат.

Целото коло во Премиерлигата се игра од 17 часот.

Во Италија фановите на Милан и Интер со голема возбуда ги чекаат денешните дуели на своите екипи, едни ќе се радуваат на Скудетото, росонерите се во поповолна позиција.

На Милан доволен му е и бод од гостувањето кај Сасуоло, Интер мора да ја совлада Сампдорија во Милано и да чека пораз на градскиот ривал.

Натпреварите се играат од 18 часот.