Италија распиша меѓународна потерница за Робињо, треба да одлежи девет години во затвор

Поранешниот играч на Милан, Робињо ја загуби и последната жалба, пресудата од девет години затвор за силувања останува.

Инцидентот се случил во Милано во 2013 година. Робињо и неговиот пријател Рикардо Фалко беа обинети за групно силување на 23-годишна девојка.

Бразилскиот напаѓач инсистираше дека се што се случувало било со дозвола на девојката, но снимените телефонски разговори и презентираните пораки не го поткрепиле неговото тврдење.

Италија сега бара Робињо да биде екстрадиран во нивната земја и да почне со одлежување на затворската казна.

Но, законот на Бразил не дозволува екстрадиција на бразилски државјани, па тешко дека Робињо некогаш ќе стапне во Италија за да ја издржува казната.