Ридигер ја одбил и втората понуда од Челси, Германецот сега кажал НЕ на неделна плата од речиси 200.000 фунти

Челси никако да
најде заеднички јазик со Антонио Ридигер за продолжување на соработката, Германецот
ги одработува последните месеци и веќе може да потпише пред-договор со друг
клуб.

Како што
пренесува Дејли Мејл, дефанзивецот ја одбил и втората понуда на „сините“, и
кажал НЕ на неделна плата од речисти 200.000 фунти.

Весникот додава
дека Антонио Ридигер во моментов заработува 100.000 фунти неделно, а првиот
предлог тежел 140.000 фунти неделно.

Се верува дека Антонио
Ридигер е среќен во Лондон и сака да остане на Стемфорд Бриџ, но останува да се
види дали Челси е подготвен да ја наруши структурата на плати за да го задржи.