232
Астон Вила за 25 милиони фунти го купи левиот бек на Евертон, Лукас Дињ.
Интерес за Дињ имаше од повеќе клубови, тој се поврзуваше со Челси, Њукасл и Вест Хем, но на крајот ја одбра Астон Вила.
„Астон Вила со задоволство може да соопшти дека потпиша со Лукас Дињ од Евертон“, стои во соопштението на клубот.
Стивен Џерард е задоволен од ангажманот на Дињ.
„Кога Лукас стана достапен ние скокнавме и ја искористивме можноста да го донесеме во клубот. Да потпишете со фудбалер со неговото педигре и квалитет во јануари, е големо засилување за составот на Астон Вила“, вели Џерард.
За разлика од Кутињо кој во Астон Вила пристигна на позајмица, Дињ потпиша четири ипол годишен договор.