Артета за Обамејанг: Јас не сум диктатор, барам само една работа

Во последните натпревари на Арсенал, Артета не смета на Обамејанг, не го игра ниту во Премиерлигата, ниту во Карабао купот.

Артета се чувствува изневерено од Обамејанг и покажа цврста рака, но вели дека не е диктатор.

„Не наметнувам авторитет како диктатор. Барам само една работа, тоа е почит и посветеност. Тоа е се“, вели Артета.

„Доколку не го барате тоа на ова ниво, тогаш да си ги спакувам торбите и да одам на друго место“.

Шпанскиот стратег бара само професионален однос од фудбалерите кои добиваат огромни плати, а очигледно некои од нив се однесуваат незрело, како деца.