Ридигер е поблиску до заминување од Челси отколку до нов договор, Германецот разгледува две опции

Неговиот агент и брат, Сахр Сенеси имал средби со Реал Мадрид и Баерн Минхен од кои ги слушнал понудите за дефанзивецот.

Челси му понуди нов договор на Ридигер, но тој не е атрактивен како понудите од Реал Мадрид и Баерн Минхен.

Во трката по германскиот репрезентативец се вклучени и Манчестер јунајтед и Тотнем, но наводно ако Ридигер не го продолжи договорот со Челси, ќе сака да си замине од Англија.

Реал Мадрид минатото лето како слободен играч го ангажираше Алаба, сега сака по истиот рецепт да го добие и Ридигер.