Челси на Рудигер му нуди три милиони фунти помалку од тоа што бара Германецот

Во Реал Мадрид
наводно се оптимисти дека би можеле да го обезбедат потписот на Антонио Рудигер
чиј актуелен договор со Челси истекува идното лето, а обете страни се барем
засега далеку од постигнување договор за продолжување на соработката.

28 годишниот германски
стопер наводно бара 10 милиони фунти годишна плата, а се верува дека последната
понуда од страна на Челси до него изнесувала 7 милиони фунти, што е нешто
помалку од тоа што го заработуваат Тимо Вернер, Тијаго Силва, Каи Хаверц, како
и Ромелу Лукаку.

„Дејли мејл“
извести дека Рудигер сепак првично посакува да остане на „Стемфорд Бриџ“, но за
да се случи тоа и повеќе од веројатно е дека ќе треба да се помири со помала
плата од онаа која ја бара во текот на преговорите.