Поради отсуството на одредени играчи, неколку од фудбалерите играа надвор од своите позиции, но сите дадоа допринос за победа.
„Очекував да постигнеме уште неколку голови иако Торино е силен дефанзивно. Но, ми се допадна начинот на кој победивме, оваа победа ми прави поголемо задоволство отколку да победевме 5-0, бидејќи тука сте направиле напор, сте страдале како тим“, вели Мурињо.
„Ги доминиравме Џенова и Зорја, но ова беше поинаков меч“.
Мурињо не можеше да смета на Кристанте и Верету, а на почетокот од мечот се повреди и Пелегрини.
„За жал, Пелегрини неколку недели ќе биде во аут“.
Абрахам и Заниоло беа во нападот, двајцата фудбалери изгледаат поврзано, но Мурињо открива дека тие многу се дружат и надвор од теренот.
„Тоа почна надвор од теренот. Има група на млади фудбалери кои излегуваат заедно, плус тоа е добро за Заниоло да научи англиски“.