Покетино негира дека сака преселба во Јунајтед: Среќен сум во ПСЖ, го сакам клубот, градот, фановите

Покетино се споменува како главен фаворит за нов тренер на Манчестер јунајтед, но во неговиот прв јавен настап на оваа тема тој силно ги негира таквите гласини.

„Не сум бебе. Во фудбалот сум, ова е бизнис каде има многу шпекулации и комплетно ми е јасно што се случува. Понекогаш тоа е на позитивен, некогаш на негативен начин. Шпекулациите се тука. Но јас сум фокусиран на утрешниот натпревар“, вели Покетино.

„Мојот договор со ПСЖ е до јуни 2023 година. Јас сум многу среќен во ПСЖ, тоа е факт. Сакам да бидам јасен, среќен сум во Париз“.

„Го почитувам мојот клуб и нема да кажам ништо. Тоа што се случува во друг клуб, мене не ме интересира. Нема да коментирам. Го сакам ПСЖ, фановите, градот. Фантастично е да се биде тука“.