Џерард тргна со победа, Астон Вила со два гола во финишот го совлада Брајтон (ВИДЕО)

Брајтон беше подобар противник во поголемиот дел од натпреварот, но на крајот Астон Вила се радуваше на победата.

Течеше 84. минута кога Воткинс направи една соло акција и постигна убав гол за водство на Астон Вила од 1-0.

Пет минути подоцна Тајрон Мингс се најде на вистинското место и постигна гол за конечни 2-0 за Астон Вила.

Еди Хау не можеше да дебитира како што треба на клупата на Њукасл, позитивен е на ковид-19, па неговите помошници го водеа тимот кој одигра 3-3 против Брентфорд.

3-3 заврши и натпреварот меѓу Барнли и Кристал Палас. 

Успешно тренерско деби имаше Дин Смит на клупата на Норич кој со 2-1 го победи Саутемптон. 

Вулвс со 1-0 беше подобар од Вест Хем.