Ел Шарави: Мурињо е тренер кој сакате да го слушате, се надевам дека долго ќе работам со него

Ел Шарави има одлични партии во дресот на Рома иако тимот во последно време не игра на највисоко ниво. Тој е импресиониран од работата со Мурињо.

„Ова е проект на долги стази, но ние сме професионалци и мора да дадеме се од себе за колку што е можно побрзо да излеземе од оваа криза“, вели Ел Шарави.

„Кога имате тренер како Мурињо тоа е многу мотивирачки за вас, тој ви помага да се искачите на ново ниво. Тој е брилијантен мотиватор и се однесува добро со сите во Тригорија, не само со фудбалерите“.

„Тој е тип на тренер кој сакате да го слушате. Знае како навистина да ве запали. Имам тригодишен договор и се надевам дека тој ќе остане тука колку што е можно подолго“.