Селекцијата на
Босна и Херцеговина не успеа да запише успех во квалификациите за Светското
првенство откако истите ги заврши на претпоследното место во својата група „Д“
со само една победа.
Дополнителни
проблеми во босанскиот фудбалски национален табор се појавија откако беа
објавени фотографии од Миралем Пјаниќ, за тоа како фудбалерот на Бешикташ се
забавува во доцните часеви во пресрет на мечот со Финска во сараевските локали.
Пјаниќ негира
дека бил исфрлен од репрезентацијата поради недисциплина, а тоа се случило по
договор со селекторот Петев.
„Би сакал да ги
демантирам лажните вести кои беа објавени низ нашите медиуми, а се однесува на
моето неиграње на синоќешниот меч, правата и единствена вистина е дека се’
е одлучено во договор со селекторот
Петев“ напиша Пјаниќ на социјалните мрежи.
